बबनराव घोलप हे राज्याचे माजी समाज कल्याण मंत्री, नाशिकचे शिवसेना नेते. गेल्या
अनेक वर्षापासून कार्यरत असलेल्या घोलप यांचा वाढदिवस धुमधडाक्‍यात साजरा केला
जाणार आहे. सोशल मिडीयावर `50 वर्षे सदा सर्वदा, शिवसेनेसाठी ' या टॅगलाईन आहे.
आगामी 2019 हे निवडणुकीचे असल्याने त्याला राजकीय संदर्भ ओघाने आहेच.
घोलप यांनी 1985 मध्ये शिवसेनेतर्फे मशाल या चिन्हावर विधानसभा निवडणूक लढली.
त्यावेळी त्यांचा पराभव झाला होता. त्यानंतर 1990 मध्ये ते आमदार झाले. 1995 मध्ये
दुसऱ्यांदा विजयी झाल्यावर शिवसेना- भाजप युती सरकारमध्ये ते समाज कल्याण मंत्री
बनले. त्यानंतर या मतदारसंघातून ते सलग पाच वेळा आमदार बनले. देवळाली शिवसेनेचा बालेकिल्ला मानला जातो. चर्मकार समाजाच्या विविध जाती, घटकांना एकत्र आणून संघटन निर्माण करण्यासाठी त्यांनी राष्ट्रीय चर्मकार महासंघ स्थापन केला. त्याचे ते अध्यक्ष आहेत. 2014 मध्ये झालेल्या विधानसभा निवडणुकीत त्यांचे पूत्र योगेश शिवसेनेतर्फे निवडून आले आहेत. बबनराव घोलप चित्रपटक्षेत्रातही कार्यरत आहेत. त्यांनी नीलांबरी या चित्रपटाची निर्मिती केली.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.