"व्हीआयपी लॉंज'मध्ये  राम रहीमला प्रवेश नाही

"व्हीआयपी लॉंज'मध्ये  राम रहीमला प्रवेश नाही

नवी दिल्ली : विमानतळांवर महत्त्वाच्या व्यक्तींसाठीच्या (व्हीआयपी) लॉंजमध्ये डेरा सच्चा सौदाचा प्रमुख गुरमीत राम रहीम याला प्रवेशबंदी करण्यात आली आहे. "व्हीआयपी लॉंज'च्या यादीतून राम रहीम याचे नाव सरकारने काढून टाकले आहे. 


गेल्या आठवड्यात केंद्रीय अन्वेषण विभागाच्या (सीबीआय) विशेष न्यायालयाना राम रहीम याला बलात्काराच्या दोन प्रकरणांमध्ये 20 वर्षांची शिक्षा सुनावली. या पार्श्‍वभूमीवर त्याचे नाव "व्हीआयपी लॉंज'मध्ये प्रवेश असलेल्या व्यक्तींच्या यादीतून काढून टाकण्यात आल्याचे नागरी हवाई वाहतूक मंत्रालयाने भारतीय विमानतळ प्राधिकरणाला कळविले आहे. 


"व्हीआयपी लॉंज'मध्ये कोणाला प्रवेश द्यावयाचा हे ठरविण्याचा अधिकार नागरी हवाई वाहतूक मंत्रालयाला आहे. राम रहीम याचा या यादीत कोणी समावेश केला, हे उघड झालेले नाही. "व्हीआयपी लॉंज'च्या यादीतून राम रहीमचे नाव वगळण्यात आल्याचे प्राधिकरणाने सर्व विभागीय कार्यकारी संचालक आणि सर्व विमानतळांच्या संचालकांना कळविले आहे. त्यानुसार, यापुढे त्याला "व्हीआयपी लॉंज'मध्ये प्रवेश देऊ नये, अशी सूचना करण्यात आली आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com