अटलजींचा अस्थी कलश दर्शनासाठी उद्या पुण्यात

माजी पंतप्रधान अटलबिहारी वाजपेयी यांचे 16 आॅगस्ट रोजी सायंकाळी निधन झाले. 17 आॅगस्टला सायंकाळी नवी दिल्लीतील स्मृतीस्थळ येथे या लोकप्रिय नेत्याच्या पार्थिवावर अंत्यसंस्कार करण्यात आले. त्यानंतर त्यांच्या अस्थी उत्तर प्रदेशातील विविध नद्यांमध्ये विसर्जित करण्यासाठी नेण्यात आल्या. महाराष्ट्रातील काही नद्यांमध्येही अटलजींच्या अस्थींचे विसर्जन केले जाणार आहे.
अटलजींचा अस्थी कलश दर्शनासाठी उद्या पुण्यात

पुणे : दिवंगत माजी पंतप्रधान अटल बिहारी वाजपेयी यांच्या अस्थींचा कलश उद्या (गुरुवार, ता. २३ ऑगस्ट) सकाळी साडेदहा ते दुपारी ३ या वेळेत जंगली महाराज रस्त्यावरील हॉटेल सन्मान, भाजप मध्यवर्ती कार्यालय येथे दर्शनासाठी ठेवण्यात येणार आहे. 

माजी पंतप्रधान अटलबिहारी वाजपेयी यांचे 16 आॅगस्ट रोजी सायंकाळी निधन झाले. 17 आॅगस्टला सायंकाळी नवी दिल्लीतील स्मृतीस्थळ येथे या लोकप्रिय नेत्याच्या पार्थिवावर अंत्यसंस्कार करण्यात आले. त्यानंतर त्यांच्या अस्थी उत्तर प्रदेशातील विविध नद्यांमध्ये विसर्जित करण्यासाठी नेण्यात आल्या. महाराष्ट्रातील काही नद्यांमध्येही अटलजींच्या अस्थींचे विसर्जन केले जाणार आहे.

पालकमंंत्री गिरीश बापट सकाळी मुंबईहून पुण्याला अस्थी कलश आणणार आहेत. भाजपचे शहराध्यक्ष योगेश गोगावले यांनी प्रसिध्दी पत्रकाद्वारे ही माहिती कळविली आहे. मुंबई, पुणे, पंढरपूर, नागपूर, नाशिक, कोल्हापूर, अमरावती, नांदेड, मालेगाव, कर्जत, कराड, महाड व सांगली येथील नद्यांमध्ये अटलजींच्या अस्थींचे विसर्जन करण्यात येणार आहे. अस्थी कलशाच्या पूजनानंतर तीर्थक्षेत्र आळंदी येथील इंद्रायणी नदीत अस्थींचे विसर्जन करण्यात येणार आहे. 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com