चुकीची माहिती देणाऱ्या अधिकाऱ्यावर होणार कारवाई : महाजन यांचे आश्वासन

nago-gonar
nago-gonar

मुंबई   :   नागपूर येथील शासकीय रुग्णालयात डॉक्टरांची कमतरता असतानाही त्यासाठीची खोटी माहिती लक्षवेधीच्या उत्तरात देणाऱ्या संबंधित अधिकाऱ्यावर कारवाई केली जाणार आहे .

वैद्यकीय शिक्षण मंत्री गिरीश महाजन यांनी आमदार नागो गाणार  यांनी उपस्थित केलेल्या लक्षवेधी सुचनेच्या उत्तरात या कारवाईचे आश्वासन आज विधानपरिषदेत दिले.

आमदार गाणार यांनी नागपूर  वैद्यकीय महाविद्यालयात बाह्य आणि अंतररुग्ण विभागात डॉक्टर नसल्याने  तेथे येणाऱ्या रुग्णाचे हाल होत असून आम्ही त्याचे साक्षीदार आहोत, परंतु लक्षवेधीच्या उत्तरातील निवेदनात मात्र इथे सर्व सुरळीत असल्याची खोटी माहिती देण्यात  आली असल्याची बाब सभागृहाच्या निदर्शनास आणून दिली.

अशा प्रकारची खोटी माहिती देणाऱ्या वैद्यकीय विभागाच्या अधिकाऱ्यावर  तातडीने कारवाई करावी अशी मागणी गाणार यांनी लावून धरली असता महाजन यांनी त्यावर कारवाई करण्याचे आश्वासन दिले. मात्र नागपूरच्या भाजप आमदारांनी महाजन यांच्या उत्तरावर समाधान व्यक्त न करता आम्ही सभागृहात दिलेल्या माहितचे गांभिर्य लक्षात घेऊन यावर बैठक घ्यावी अशी मागणी केली .  

वैद्यकीय शिक्षण मंत्री महाजन यांनी नागपूर येथील रुग्णालयात सर काही अलबेल सुरू असून 1200 डॉक्टर काम करत असल्याची माहिती दिली .  परंतु भाजपाचे गिरीश व्यास आणि राष्ट्रवादीचे आमदार प्रकाश गजभिये यांनी या विषयी आमदारांची बैठक लावून धरण्याची मागणी केली .  उपसभापती मणिकराव ठाकरे यांनी नागपूरच्या आमदारांची पुढील आठवड्यात बैठक घेण्याचे मान्य केले . 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com