अशोक चव्हाणांनी म्हसवडची गर्दी बघितली अन लगेच गोरेंची उमेदवारी जाहीर केली! 

अशोक चव्हाण म्हणाले, येत्या निवडणुकीत कॉंग्रेस व राष्ट्रवादीची आघाडी होणारच आहे. त्यामुळे माण-खटावमधून जयकुमार गोरेच आघाडीचे उमेदवार असतील. आघाडी झाली नाही तरीही गोरेच उमेदवार राहतील, यामध्ये कोणताही बदल होणार नाही, असे त्यांनी स्पष्ट केले.
अशोक चव्हाणांनी म्हसवडची गर्दी बघितली अन लगेच गोरेंची उमेदवारी जाहीर केली! 

म्हसवड (सातारा) : आगामी निवडणुकीत दोन्ही कॉंग्रेसची आघाडी होणार आहे. आघाडी झाली तर माणमधून जयकुमार गोरेच उमेदवार आघाडीचे उमेदवार असतील. आघाडी झाली नाही तरी कॉंग्रेसचे तेच उमेदवार असतील. यामध्ये कोणताही बदल होणार नाही, असे स्पष्ट मत कॉंग्रेसचे प्रदेशाध्यक्ष अशोक चव्हाण यांनी व्यक्त केले. 

कॉंग्रसेच्या जनसंघर्ष यात्रेचे काल (सोमवार) रात्री म्हसवड येथे स्वागत करण्यात आले. यानंतर झालेल्या जाहिर सभेत ते बोलत होते. 

माजी मुख्यमंत्री पृथ्वीराज चव्हाण, विरोधी पक्षनेते राधाकृष्ण विखे-पाटील, आमदार सतेज पाटील, माजी मंत्री हर्षवर्धन पाटील, आमदार शरद रणपिसे, आमदार अमरजीत काळे, आमदार जयकुमार गोरे, आमदार विश्वजीत कदम, यांची प्रमुख उपस्थिती होती. 

अशोक चव्हाण म्हणाले, इव्हीएम मशीनच्या जीवावर सत्ता आणणाऱ्या भाजपने बॅलेट पेपवर (मतपत्रिकेवर) निवडणुकांना सामोरे जावून विजय मिळवून दाखवावा. विविध पातळ्यांवर भाजप अयशस्वी ठरले असून सामान्य जनतेत असंतोष पसरला आहे. त्या सामान्यांना न्याय मिळावा, यासाठीच आमची जनसंघर्ष यात्रा आहे, असे त्यांनी स्पष्ट केले.  
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Sarkarnama News
sarkarnama.esakal.com