अकोला : शेतकरी प्रश्नांबाबत वेळकाढूपणाचे धोरण स्विकारणारे जिल्हा पणन कार्यालय जाळून टाकण्याचा इशारा प्रहार संघटनेचे संस्थापक अध्यक्ष आमदार बच्चू कडू यांनी दिला आहे. या इशाऱ्याच्या धसका पणन महासंघाच्या कार्यालयासाठी जागा भाड्याने देणाऱ्या जागा मालकाने घेतला आहे. एक डिसेंबर पर्यंत कार्यालय सोडण्याची नोटीस जागा मालकाने पणन महासंघाला दिली आहे.
बच्चू कडू यांच्या नेतृत्वात शुक्रवारी (ता.2) शेकडो शेतकऱ्यांचा मुक्काम मोर्चा जिल्हाधिकारी कार्यालयावर काढण्यात आला होता. तुर आणि हरबऱ्याचे पैसे 15 दिवसात देणार असे आश्‍वासन कृषीमंत्री चंद्रकांत पाटील यांनी दिल्यावर बच्चू कडू यांनी मोर्चाचा मुक्काम रद्द केल्याची घोषणा केली. शासनाने दिलेले आश्‍वासन 15 दिवसात पुर्ण केले नाही तर जिल्हा पणन कार्यालय जाळून टाकू, असा इशारा आमदार कडू यांनी दिला होता. बच्चू कडू यांच्या या इशाऱ्याचा धसका जिल्हा पणन विभागाने कितीप्रमाणात घेतला याची माहिती नसली तरी आदर्श कॉलनी परिसरात ज्यांच्या घरात पणन महसंघाचे कार्यालय आहे त्या घराच्या मालकाने माझे घर एक महिन्यात रिकामे करा अशी नोटीस जिल्हा पणन विभागाला बजावली आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.