मुंबई : "मराठवाड्यात ज्या निजामाने रझाकारी अत्याचार केले त्या निजामाच्या पक्षासोबत प्रकाश आंबेडकर यांनी युती करणे हे अनाकलनीय असून, ही युती म्हणजे भाजपची 'बी' टीम असल्याचा संशय आहे," अशी टीका शिवसेनेचे खासदार संजय राऊत यांनी केली आहे.
भारिप-बहुजन महासंघाचे प्रकाश आंबेडकर व ;एमआयएम'चे असदुद्दीन ओवेसी यांनी औरंगाबादमध्ये नुकताच दलित- मुस्लिमांचा मेळावा घेत आगामी निवडणुकीसाठी बहुजन वंचित आघाडीची स्थापना केली आहे. या युतीचा थेट फायदा भाजपला व्हावा असा तर हेतू नाही ना, ही शंका असल्याचे राऊत म्हणाले.
" कॉंग्रेसचा पराभव करण्यासाठीच भाजपच्या पुढाकाराने या युतीचा जन्म झाल्याचा संशय असून, कट्‌टर जातीयवादावर आधारित पक्षासोबत प्रकाश आंबेडकर गेले कसे याचे आश्‍चर्य वाटते. प्रकाश आंबेडकर व ओवेसी यांच्या युतीच्या सभा कितीही मोठ्या झाल्या तरी जनता मते देणार नाहीत", असा दावाही राऊत यांनी केला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.