नगरः माजी आमदार शंकरराव गडाख यांनी भाजपचे आमदार बाळासाहेब मुरकुटे यांचे नाव न घेता जोरदार टीका केली आहे. वाळुतस्करांनी तहसीलदारांना केलेल्या धक्काबुक्कीच्या निमित्ताने वाळुतस्करांना राजाश्रय असल्याचे त्यांनी म्हटले आहे.
निंभारी परिसरात वाळुतस्करांवर कारवाई करताना तहसीलदारास धक्काबुक्की झाल्याच्या पार्श्वभूमीवर गडाख यांनी आपले मत व्यक्त केले. नेवासे तालुक्‍यात रात्रंदिवस वाळुतस्करी कोणाच्या आशिर्वादाने होते, हे सर्व जनतेला आता माहिती झाले आहे. गेल्या चार वर्षांत केवळ राजकीय आर्शिवादाने वाळुतस्करी फोफावली आहे. त्यामुळे प्रचंड गुन्हेगारी वाढली आहे. त्यामुळे कायदा-सुव्यवस्थेचा प्रश्न निर्माण झाला आहे. नेवासे तालुक्‍यातील ही स्थिती अत्यंत चिंताजनक आहे. वाळुतस्करी पकडल्यास जुजबी कारवाई होते. केवळ राजकीय दबावामुळे पोलिस, प्रशासन योग्य कारवाई करीत नाहीत. त्यातूनच गुन्हेगारीचे प्रमाण वाढत असून, अशा अपप्रवृत्तीकडे आगामी काळात जनताच पाहून घेईल, असा इशारा गडाख यांनी दिला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.