नगर : कर्जबाजारीपणाला कंटाळलेल्या अकोले तालुक्यातील मल्याळे गावातील भैरवनाथ जाधव या शेतकऱ्याने काल मंत्रालयात विष प्राशन करून आत्महत्या करण्याचा प्रयत्न केला. त्यांची प्रकृती गंभीर असून, मुंबईच्या सेंट जाॅर्ज रुग्णालयात उपचार सुरू आहेत.
कर्जबाजारीपणाला कंटाळून जाधव यांनी यापूर्वी कोरड्या विहिरीत बसून उपोषण सुरू केले होते. हे उपोषण सोडण्यासाठी खासदार सदाशिव लोखंडे यांनी मध्यस्थी केली होती. खासदारांनी दिलेले आश्वासनांची पूर्तता झाली नाही. मंत्रालयाच्या पातळीवरून साह्य केले जात नाही. या कारणाने त्यांनी सोमवारी मंत्रालयाच्या पहिल्या मजल्यावर किटकनाशक पिऊन आत्महत्येचा प्रयत्न केला. आपल्या सात-बारा उतारा कोरा होत नाही ही त्यांची तक्रार होती. तसेच शेतकऱ्यांना कर्जमाफी मिळावी, ही जाधव यांची मागणी होती.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.