औरंगाबाद : महापौर नंदकुमार घोडेले यांचे भाषण सुरू असतांना अजान सुरू झाली, हे लक्षात येताच युवासेना प्रमुख आदित्य ठाकरे यांनी महापौरांना त्यांचे भाषण थांबवण्याचा इशारा केला. काही मिनिटे थांबून अजान झाल्यावर पुन्हा भाषणाला सुरुवात झाली.
महापालिकेच्या वतीने क्रांतीचौकात स्मार्टसिटी अंतर्गत शहर बससेवेचे उद्घाटन आदित्य ठाकरे यांच्या हस्ते आज (ता.23) दुपारी करण्यात आले. त्यानंतर शेजारीच उभारलेल्या व्यासपाठीवर छोटेखानी कार्यक्रमाचे आयोजन करण्यात आले होते. विधानसभा अध्यक्ष हरिभाऊ बागडे, खासदार चंद्रकांत खैरे, आमदार इम्तियाज जलील, अतुल सावे, महापौर नंदकुमार घोडेले यांच्यासह युतीचे अनेक नेते व्यासपीठावर हजर होते.
महापौर नंदकुमार घोडेले कार्यक्रमाचे प्रास्ताविक करण्यासाठी उभे राहिले. त्यांचे भाषण सुरू असतांनाच शेजीरच असलेल्या मशीदीतून अजान सुरू झाली. अजान कानावार येताच आदित्य ठाकरे यांनी महापौरांना भाषण थांबवण्यास सांगितले. काही मिनिटांनी अजान संपल्यावर कार्यक्रम पुन्हा पुर्ववत सुरू करण्यात आला. आदित्य ठाकरे गेल्या महिन्यात विदर्भ दौऱ्यावर गेले होते. त्यापूर्वी मुंबईत देखील त्यांनी अजान सुरू असतांना भाषण थांबवल्याची उदाहरणे समोर आली होती. त्यानंतर औरंगाबादेत देखील त्यांनी अजानचा मान ठेवत भाषण थांबवल्याचे पाहून उपस्थितांमध्ये चर्चा रंगली होती.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.