नवी दिल्ली : प्रसिद्ध चित्रपट अभिनेता प्रकाश राज यांनी आगामी लोकसभा निवडणूक लढविण्याची घोषणा केली आहे. प्रकाश राज अपक्ष निवडणूक लढवणार आहे.
प्रकाश राज यांनी अद्याप आपला लोकसभा निवडणुकीसाठी मतदारसंघ निश्‍चित केलेला नाही. या संदर्भात प्रकाश राज यांनी मंगळवारी रात्री ट्विट करून ही घोषणा केली आहे. 'अबकी बार जनता की सरकार' अशी घोषणाही प्रकाश राज यांनी ट्विटरवर केली आहे.
पत्रकार गौरी लंकेश यांच्या हत्येनंतर प्रकाश राज यांनी पंतप्रधान नरेंद्र मोदी आणि भाजपच्या विरोधात सातत्याने टीका केली आहे. नरेंद्र मोदी यांच्यावर केलेल्या टीकेमुळे आपल्याला हिंदी चित्रपटात काम मिळणे बंद झाले आहे, असा आरोपही त्यांनी अलीकडे केला होता.
कन्नड, तमीळ, तेलगू आणि हिंदी चित्रपटात प्रकाश राज यांनी आपल्या अभिनयाचा ठसा उमटवलेला आहे. हिंदीमध्ये सिंघम आणि दबंग-2 या चित्रपटातील त्यांच्या भूमिका गाजलेल्या आहेत.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.