बीड : शेतकऱ्यांसाठी लाख मोलाचा पोशिंदा ठरलेले शेतकऱ्यांचे जाणता राजा शरद पवार यांच्या पाठिशी बीड जिल्हा नेहमी खंबीरपणे उभा राहिल्याचा इतिहास असून यंदाही त्याची पुनरावृत्ती होणार असल्याचा विश्वास माजी मंत्री शिवाजीराव पंडित यांना आहे.
सध्याचे सरकार असंवेदनशिल असून त्यांना शेतकऱ्यांच्या आत्महत्यांचे, दुष्काळाचे कुठलेही सोयरसुतक नसल्याचा आरोपही पंडित यांनी केला आहे.
वयाची ८३ वर्षे पूर्ण केलेले माजी मंत्री शिवाजीराव पंडित राष्ट्रवादीचे उमेदवार बजरंग सोनवणे यांच्या प्रचारार्थ हिरीरीने सहभागी झाले आहेत. वास्तविक त्यांचे मोठे चिरंजीव पक्षाचे प्रदेश सरचिटणीस अमरसिंह पंडित व कनिष्ठ चिरंजीव माजी जिल्हा परिषद अध्यक्ष विजयसिंह पंडित हे दोघेही गेवराई मतदारसंघात जोमाने प्रचार करत असताना शिवाजीराव पंडित यांनीही जुन्या तत्कालिन सहकाऱ्यांच्या माध्यमातून स्वतंत्र यंत्रणा उभी केली आहे.
मागच्या आठवड्यात त्यांनी गेवराई तालुक्यातील विविध गावांत छोटेखानी सभा, कॉर्नर बैठका आणि बैठका घेऊन बजरंग सोनवणे यांना विजयाचे आवाहन केले.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.